Banglore Metro ticket price increases
ಮೆಟ್ರೋ ಟಿಕೆಟ್ ದರ ಏರಿಕೆಗೆ ತಾತ್ಕಾಲಿಕ ಬ್ರೇಕ್
Bangalore Metro ticket price increase
ಕೇಂದ್ರ ಸಚಿವ ಮನೋಹರ್ ಖಟ್ಟರ್ ಸೂಚನೆ – ಸಂಸದ ತೇಜಸ್ವಿ ಸೂರ್ಯ ಸ್ಪಷ್ಟನೆ
ಬೆಂಗಳೂರು:ಬೆಂಗಳೂರು ಮೆಟ್ರೋ ಪ್ರಯಾಣಿಕರಿಗೆ ದೊಡ್ಡ ರಿಲೀಫ್ ಸಿಕ್ಕಿದೆ. ಸೋಮವಾರದಿಂದ ಜಾರಿಗೆ ಬರಬೇಕಿದ್ದ ಮೆಟ್ರೋ ಟಿಕೆಟ್ ದರದ ಮತ್ತೊಂದು 5% ಹೆಚ್ಚಳವನ್ನು ತಾತ್ಕಾಲಿಕವಾಗಿ ತಡೆಹಿಡಿಯಲಾಗಿದೆ ಎಂದು ಬೆಂಗಳೂರು ದಕ್ಷಿಣ ಸಂಸದ ತೇಜಸ್ವಿ ಸೂರ್ಯ ಅವರು ತಿಳಿಸಿದ್ದಾರೆ.
ಮೆಟ್ರೋ ದರ ಏರಿಕೆ ವಿಚಾರವಾಗಿ ಕೇಂದ್ರ ನಗರಾಭಿವೃದ್ಧಿ ಸಚಿವ ಮನೋಹರ್ ಖಟ್ಟರ್ ಅವರೊಂದಿಗೆ ನಿರಂತರವಾಗಿ ಮಾತನಾಡಿರುವುದಾಗಿ ಹೇಳಿದ ತೇಜಸ್ವಿ ಸೂರ್ಯ, “ಯಾವುದೇ ಕಾರಣಕ್ಕೂ ಫೇರ್ ಹೈಕ್ ಜಾರಿಗೆ ಬರಬಾರದು ಎಂದು ನಾನು ಒತ್ತಾಯಿಸಿದ್ದೇನೆ. ಹಿಂದಿನ ಫೇರ್ ಫಿಕ್ಸೇಶನ್ ಕಮಿಟಿಯಲ್ಲಿ ಸಾಕಷ್ಟು ತಪ್ಪುಗಳು ನಡೆದಿವೆ. ಅವುಗಳನ್ನು ಸರಿಪಡಿಸದೇ ಹೊಸ ದರ ಜಾರಿಯಾಗಬಾರದು” ಎಂದು ಹೇಳಿದ್ದಾರೆ.
ಕೇಂದ್ರ ಸಚಿವರಿಂದ ಮೌಖಿಕ ಸೂಚನೆ
ಇಂದು ಮನೋಹರ್ ಖಟ್ಟರ್ ಅವರು ಫೋನ್ ಮೂಲಕ ಮಾತನಾಡಿ,
“ಸೋಮವಾರದಿಂದ ಫೇರ್ ಅಪ್ರೂವ್ ಆಗುವವರೆಗೂ ಯಾವುದೇ ದರ ಏರಿಕೆ ಜಾರಿಗೆ ಬರಬಾರದು. ಫೇರ್ ಫಿಕ್ಸೇಶನ್ನಲ್ಲಿ ಆಗಿರುವ ತಪ್ಪುಗಳನ್ನು ಅಧಿಕಾರಿಗಳಿಗೆ ವಿವರಿಸಿ ಪರಿಶೀಲನೆ ನಡೆಸಿ”ಎಂದು ಅಧಿಕಾರಿಗಳಿಗೆ ಸೂಚನೆ ನೀಡಿರುವುದಾಗಿ ತೇಜಸ್ವಿ ಸೂರ್ಯ ತಿಳಿಸಿದ್ದಾರೆ.
ಈ ಹಿನ್ನೆಲೆ, ಸೋಮವಾರದಿಂದ ಜಾರಿಯಾಗಬೇಕಿದ್ದ ಮೆಟ್ರೋ ದರ ಏರಿಕೆ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿದೆ.
ಇದು ಅರ್ಧ ಜಯ – ಹೋರಾಟ ಮುಂದುವರಿಯಲಿದೆ
“ಇದು ಸಂಪೂರ್ಣ ಪರಿಹಾರ ಅಲ್ಲ, ಇದು ಅರ್ಧ ಜಯ ಮಾತ್ರ. ರಾಜ್ಯ ಸರ್ಕಾರ ಹೊಸದಾಗಿ ಫೇರ್ ಫಿಕ್ಸೇಶನ್ ಕಮಿಟಿ ರಚಿಸುವವರೆಗೂ ನಾವು ಒತ್ತಡ ಮುಂದುವರಿಸುತ್ತೇವೆ” ಎಂದು ತೇಜಸ್ವಿ ಸೂರ್ಯ ಸ್ಪಷ್ಟಪಡಿಸಿದ್ದಾರೆ.
ಅವರ ಪ್ರಕಾರ
✓ಫೇರ್ ಫಿಕ್ಸೇಶನ್ ಕಮಿಟಿ ರಚಿಸುವ ಅಧಿಕಾರ ರಾಜ್ಯ ಸರ್ಕಾರಕ್ಕೇ ಇದೆ
✓ಇದು ಕೇಂದ್ರ ಸರ್ಕಾರದ ವಿಷಯ ಎಂದು ಹೇಳುತ್ತಿರುವುದು ತಪ್ಪು ಮತ್ತು ಸುಳ್ಳು
✓ರಾಜ್ಯ–ಕೇಂದ್ರ ಸರ್ಕಾರಗಳ ಮಧ್ಯೆ ಇರುವ MoU ಪ್ರಕಾರ ದರ ಪರಿಷ್ಕರಣೆ ಅಧಿಕಾರ ರಾಜ್ಯ ಸರ್ಕಾರಕ್ಕೇ ಸೇರಿದೆ
ಬೆಂಗಳೂರು ಮೆಟ್ರೋ ದೇಶದಲ್ಲೇ ದುಬಾರಿ“ಇಂದು ಬೆಂಗಳೂರು ಮೆಟ್ರೋ ದೇಶದಲ್ಲೇ ಅತ್ಯಂತ ದುಬಾರಿ ಮೆಟ್ರೋ ಆಗಿದೆ. ಮಧ್ಯಮ ವರ್ಗ ಮತ್ತು ಸಾಮಾನ್ಯ ಜನರಿಗೆ ಇದು ಕೈಗೆಟುಕದ ಮಟ್ಟಕ್ಕೆ ಹೋಗಿದೆ. ಜನ ಬಳಸುವಂತ ದರ ಇರಬೇಕು” ಎಂದು ಅವರು ಹೇಳಿದ್ದಾರೆ.ರಾಜ್ಯ ಸರ್ಕಾರದ ಮೇಲೆ ಆರೋಪರಾಜ್ಯ ಸರ್ಕಾರ ಈ ವಿಷಯದಲ್ಲಿ ಜನರನ್ನು ಗೊಂದಲಕ್ಕೆ ತಳ್ಳುತ್ತಿದೆ ಎಂದು ಆರೋಪಿಸಿದ ತೇಜಸ್ವಿ ಸೂರ್ಯ,“ಕೇಂದ್ರ ಸರ್ಕಾರ ಏರಿಸಿದೆ ಎಂದರೆ ದೇಶದ ಎಲ್ಲಾ ಮೆಟ್ರೋ ದರಗಳು ಏರಬೇಕಿತ್ತು. ಆದರೆ ಚೆನ್ನೈ, ಮುಂಬೈ, ದೆಹಲಿ ಎಲ್ಲೂ ದರ ಏರಿಲ್ಲ. ಬೆಂಗಳೂರಲ್ಲೇ ಯಾಕೆ?”ಎಂದು ಪ್ರಶ್ನಿಸಿದರು.BMRCL ಸ್ಪಷ್ಟನೆ – ಇನ್ನೂ ಅಧಿಕೃತ ಆದೇಶ ಇಲ್ಲಇನ್ನೊಂದೆಡೆ, BMRCL ಹಿರಿಯ ಅಧಿಕಾರಿಗಳು ಟಿವಿ ಚಾನೆಲ್ಗಳಿಗೆ ಪ್ರತಿಕ್ರಿಯಿಸಿ,“ಕೇಂದ್ರ ಅಥವಾ ರಾಜ್ಯ ಸರ್ಕಾರದಿಂದ ದರ ಏರಿಕೆ ನಿಲ್ಲಿಸುವ ಬಗ್ಗೆ ಇನ್ನೂ ಅಧಿಕೃತ ಆದೇಶ ಬಂದಿಲ್ಲ. ಆದೇಶ ಬಂದ ನಂತರವೇ ತೀರ್ಮಾನ ಮಾಡುತ್ತೇವೆ”ಎಂದು ತಿಳಿಸಿದ್ದಾರೆ.ಸಾರಾಂಶಸೋಮವಾರದಿಂದ ಮೆಟ್ರೋ ದರ ಏರಿಕೆ ಇಲ್ಲ (ತಾತ್ಕಾಲಿಕವಾಗಿ)ಕೇಂದ್ರ ಸಚಿವ ಖಟ್ಟರ್ ಅವರಿಂದ ಮೌಖಿಕ ಸೂಚನೆಹೊಸ ಫೇರ್ ಫಿಕ್ಸೇಶನ್ ಕಮಿಟಿ ರಚನೆಗಾಗಿ ಒತ್ತಡರಾಜ್ಯ–ಕೇಂದ್ರ ಸರ್ಕಾರಗಳ ನಡುವೆ ಆರೋಪ–ಪ್ರತ್ಯಾರೋಪಪ್ರಯಾಣಿಕರು ಇನ್ನೂ ಗೊಂದಲದಲ್ಲೇತೇಜಸ್ವಿ ಸೂರ್ಯ ಭರವಸೆ“ಬೆಂಗಳೂರು ಮೆಟ್ರೋ ಬಳಸುವ ಪ್ರತಿಯೊಬ್ಬ ಪ್ರಯಾಣಿಕರ ಧ್ವನಿಯಾಗಿ ನಾನು ಪಾರ್ಲಿಮೆಂಟ್ ಒಳಗೂ ಹೊರಗೂ ಹೋರಾಟ ಮಾಡುತ್ತೇನೆ. ಜನರಿಗೆ ಕೈಗೆಟುಕುವ ದರ ಬರುವವರೆಗೂ ಈ ಹೋರಾಟ ನಿಲ್ಲುವುದಿಲ್ಲ” ಎಂದು ತೇಜಸ್ವಿ ಸೂರ್ಯ ಹೇಳಿದ್ದಾರೆ.
Bangalore Metro ticket price increase
Leave a Reply